Jan Daniels van der Meulen

Net beskikber

Net beskikber

Net beskikber

Jan van der Meulen hat studeart oan it Griffermeard Gymnasium yn Ljouwert en oan de Economyske Hegeskoalle fan Rotterdam. Hy hat yn WO2 in aktieve rol spile yn it ferset tsjin de Nazi's. Nei de oarloch is hy nei Nederlânsk Indië tein, en hat op Java in oplieding ta piloat folge by de Britse RAF. Yn 1951 is hy troud mei Leentje van der Burg fan Tytsjerk. Yn de jierren dêrnei wurke hy by de KLM as bedriuwsekonoom. Yn 1956 troch de 'Eerste Nederlandse Kooperatieve Kunstmest Fabriek' (Vlaardingen) útstjûrd nei Salesbury yn Rhodesië as general manager fan in kûnstdong fabryk. Yn 1961 yn Súdafrika bedarre, wêr hy ûnder lieding fan professor Goudriaan promovearre is ta Dr. yn de economy oan de hegeskoalle fan Pretoria. Yn 1964 is hy beneamd ta heechlearaar yn de handelswittenskippen oan de unifersiteit fan Stellenbosch yn Súdafrika. Hy hat meiwurke oan de oprjochting fan the School of Business Management, en útwikselings programma's foar studinten opset mei Belgyske en Nederlânske universiteiten Hy ferdedige de 'apartheids' politiek, en hat begjin jierren '60 ûnder it pseudonym 'Ben Uddo' hjiroer in tal artikels skrean foar it Frysk Deiblêd mei titel 'Súd Afrika op de dwaalwei?'. Ein Septimber, begjin Oktober, 1966 hat Jan foar de Stichting Nederlands-Zuidafrikaanse Werkgemeenschap (NZAW) in serie voordrachten yn Nederlân hâlden ûnder de titel 'Oog in oog met Zuid-Afrika'. By dy foardrachten ûntstienen somstiden felle diskusjes mei it publiek, wêrûnder yn Ljouwert Fedde Schurer. Yn oare plakken foelen klappen tusken it publiek en linkse anti-aparthyds demonstranten, en moast de pliesje der oan te pas komme. Jan van der Meulen is op 23 Maart 1990 yn Stellenbosch overleden, en leit dêr begraven op Main Cemetery Onderpapegaai